Tkompli titnaqqar l-Iskwadra ta’ Kontra d-Droga

Minkejja d-diversi appelli minn awtoritajiet gholjin, fosthom il-President ta’ Malta Dr George Abela u Monsinjur Victor Grech Direttur tal-Caritas, biex kemm jista’ jkun il-Pulizija tinghata aktar ghodda biex tiggieled kontra t-traffikar tad-droga, il-Korp tal-Pulizija qed ikompli jzarma din l-iskwadra fejn b’effett immedjat wiehed mill-ispetturi gie trasferit minghajr ma tpogga iehor minfloku.

Sorsi qrib il-Korp tal-Pulizija qalu lil KRONAKA f’MALTA li l-Iskwadra ta’ Kontra d-Droga tkompliet titnaqqar mir-rizorsi u fil-jiem li gejjin mistennija jkomplu jitnaqqsu aktar ghax jidher li ghal Gvern li jinqabbdu l-kaccaturi jikkaccjaw illegalment hija iktar importanti mill-glieda kontra t-traffikar tad-droga. L-istess sorsi qed jistaqsu jekk hajja ta’ bniedem saritx inqas importanti minn tajra, basta pajjizna ma jkunx fl-ahbarijiet barra minn Malta.

Dan is-sit jinsab informat li l-Ispettur Victor Aquilina mill-Iskwadra ta’ Kontra d-Droga gie trasferit fl-Ghassa tal-Pulizija tal-Ajruport Internazzjonali ta’ Malta biex ha post l-Ispettur Jason Agius li spicca mill-Korp. Izda post l-Ispettur Aquilina s’issa jidher li se jibqa’ vojt biex b’hekk din l-iskwadra se jkollha ufficjal nieqes.

Kull darba li jinfetah l-istagun tal-kacca, zewg Pulizija mill-Iskwadra ta’ Kontra d-Droga jintbghatu mal-Pulizija tal-ALE biex jghinuhom fil-“kacca” ghall-kaccaturi li jisparaw fuq tajr protett. Is-sorsi li tkellmu maghna qalulna li l-fatt li kull darba li jinfetah l-istagun issir pressjoni fuq il-Gvern, l-istess Gvern qed jesigi li jkun hemm aktar Pulizija.

“Kollox jindika li ghall-Gvern l-importanti huwa li jinqabdu l-kaccaturi u l-problema tad-droga npogguha fil-genb. Jekk mhux hekk allura nistennew li l-Prim Ministru Gonzi, li huwa responsabbli mill-Pulizija, jispjega ghaliex l-Iskwadra ta’ Kontra d-Droga qed tkompli titnaqqar mill-ftit rizorsi li ghandha”, sahqu s-sorsi taghna.

“Kultant jidholok hsieb jekk din l-iskwadra, bin-nies professjonali u dedikati, rifsux xi kallu kbir”, staqsa wiehed mis-sorsi taghna. Huwa qalilna li issa l-moral ta’ din l-iskwadra m’ghadux li kien u l-membri jinsabu dimoralizzati.

Fis-17 ta’ Lulju li ghadda konna rrapportajna li f’hames snin il-Gvern investa €200 biss f’apparat fl-Iskwadra ta’ Kontra d-droga. Fit-28 ta’ Mejju 2012, id-Deputat Nazzjonalista Franco Debono kien staqsa lil Carm Mifsud Bonnici, li sa dakinhar kien ghadu Ministru tal-Intern u Affarijiet Parlamentari, biex jghid fl-ahhar hames snin, sena b’sena apparti vetturi, x’ammont ta’ investiment sar u ta’ liema tip, f’taghmir fl-Iskwadra ta’ Kontra d-Drogi fil-Korp tal-Pulizija.

“Nixtieq inserrah mohh l-Onorevoli Interpellant li t-Taqsima ta’ kontra d-Droga tal-Pulizija ghandha l-ghodda kollha mehtiega biex tkun tista tiggieled b’mod efficjenti u professjonali kontra l-kriminalità organizzata bhalma hija l-importazzjoni u t-traffikar tad-droga”, kien irrisponda l-eks Ministru Mifsud Bonnici izda ma qalx x’taghmir inxtara. Fil-fatt din l-iskwadra kienet inghatat ‘Taser Gun’ li jiswa €207.40. Apparat iehor li nghata kienet video camera li BirdLife Malta taw bhala donazzjoni lill-Korp tal-Pulizija biex tintuza kontra l-kaccaturi u nassaba.

Sadanittant transfers ohrajn huma, l-Ispettur Godwin Scerri mill-Ghassa ta’ San Giljan sejjer l-Ghassa tal-Belt minflok l-Ispettur Pierre Micallef Grimaud li spicca mis-servizz, l-Ispettur Carol Fabri mill-Ghassa ta’ Birkirkara sejra l-Ghassa ta’ Birzebbuga minflok l-Ispettur Priscilla Caruana li se tmur Birkirkara, l-Ispettur Geoffrey Azzopardi mit-Taqsima tal-Immigrazzjoni sejjer l-Ghassa l-Hamrun minflok l-Ispettur Darrell Borg li sejjer l-Ghassa ta’ San Giljan u l-Ispettur Yvonne Farrugia mit-Taqsima tal-Frodi sejra fit-Taqsima tal-Vizzji minflok l-Ispettur Therese Sciberras li rrizenjat mill-Korp.

Problema ohra li ghandu l-Korp tal-Pulizija hija n-nuqqas ta’ Surgenti Magguri tant li bhalissa hemm seba’ Surgenti Magguri neqsin kif ukoll jinsab minghajr ir-Regimental Sargeant Major (RSM). B’hekk diversi Surgenti Magguri qeghdin ilehhqu aktar minn Distrett wiehed. Dan qed johloq inkonvenjent ghal dawn is-Surgenti Magguri anke fil-hajja personali taghhom li minhabba l-volum ta’ xoghol spiss qed ikollhom joqghodu ’l boghod mill-familji taghhom, qalulna sorsi qrib il-Korp.

This entry was posted on Saturday, September 1st, 2012 at 08:26 and is filed under Abbandun, Appell, Droga, Ghassa tal-Pulizija, Korp tal-Pulizija, Periklu, Pulizija, Pulizija tad-DIK, Pulizija tad-Distrett, Rabja, Skwadra Kontra d-Drogi, Surgenti Magguri, Trasferimenti. You can follow any responses to this entry through the RSS 2.0 feed. You can leave a response, or trackback from your own site.