Rumeni regghu nqabdu b’oggetti misruqin

Zewg Rumeni, minn erba’, li fl-ahhar ta’ Lulju li ghadda ammettew li kellhom fil-pussess taghhom diversi oggetti misruqin fosthom numru sostanzjali ta’ mowbajls, il-Hadd filghodu regghu nqabdu b’oggetti ohrajn ukoll misruqin.

Ghall-habta tal-10.00 a.m. sid ta’ appartament f’Paceville marret taghmel rapport fl-Ghassa tal-Pulizija ta’ San Giljan li dawk ir-Rumeni li kienu digà involuti mal-Pulizija ma kienux qed ihallsu l-kera u lanqas riedu johorgu mill-appartament.

Ghaldaqstant il-Pulizija tad-Distrett immexxijin mis-Surgenti Ramon Mifsud Grech u Terry James Mallia flimkien mal-Kuntistabbli Anthony Zammit, marru fl-appartament fi Triq Ball biex ikellmu lir-Rumeni. Kif il-Pulizija habtu l-bieb, fethet Georgiana Elena Chiuc ta’ 20 sena li kif rat lill-Pulizija ma’ wiççha sabtet il-bieb biex il-Pulizija ma jidhlux izda dawn tefghu l-bieb gewwa u qabdu fil-fatt lit-tfajla u lil Geani Roberto Marin ta’ 31 sena jarmu xi oggetti ’l barra mit-tieqa ghal fuq il-bjut tan-nies. Dak il-hin fl-appartament kien hemm biss dawn iz-zewg Rumeni.

Il-Pulizija elevaw madwar hames mowbajls li remghu ir-Rumeni u minn tfittxija li komplew jaghmlu fl-appartament sabu hwejjeg ohrajn, fosthom ilbies li allegatament huma misruqin ukoll u zewgt imwies.

Georgiana Elena Chiuc u Geani Roberto Marin gew arrestati u ttiehdu l-Ghassa fejn kienu interrogati mill-Ispettur Trevor Micallef tad-Distrett.

Dawn iz-zewg Rumeni kienu nstabu hatjin flimkien ma’ tnejn ohrajn, Tudor Cornel Marin ta’ 30 sena u Cornelia Marin ta’ 27 sena, b’akkuzi ta’ serq ta’ mowbajls u laptop. Dawn l-oggetti kienu nsterqu minn Paçeville u postijiet ohrajn fl-inhawi.

This entry was posted on Monday, August 20th, 2012 at 07:22 and is filed under Arrestat, Habs ta' Kordin, Pulizija, Pulizija tad-Distrett, Qorti, Sejba, Serq. You can follow any responses to this entry through the RSS 2.0 feed. You can leave a response, or trackback from your own site.