Disa’ persuni jiddahhlu l-isptar

Ilbierah, l-Erbgha, kienet gurnata mimlija accidenti tat-traffiku fejn fi spazju ta’ madwar 11-il siegha sehhew hames accidenti tat-traffiku u disa’ persuni ddahhlu l-Isptar Mater Dei ghall-kura medika.

X’aktarx li l-aktar accident serju sehh ghall-habta tal-4.20 p.m. fi Triq l-Imdina f’Haz-Zebbug meta mara ta’ 65 sena mill-Ingilterra u residenti Birzebbuga tilfet il-kontroll ta’ karozza Toyota Vitz meta kienet sejra fid-direzzjoni ta’ Hal Qormi b’konsegwenza li baqghet diehla f’arblu tad-dawl li hemm mal-genb tat-triq. Fl-istess karozza kien hemm ir-ragel tal-mara, 67 sena wkoll Ingliz u mara ta’ 40 sena kollha residenti Birzebbuga.

Fuq il-post issejhu zewg ambulanzi bl-infermieri li hadu lit-tliet persuni l-Isptar Mater Dei fejn instab li l-mara ta’ 40 sena sofriet griehi gravi izda mhix fil-periklu tal-mewt filwaqt li l-koppja anzjana sofrew griehi hfief.

Peress li l-bypass kellha tinghalaq ghat-traffiku, ghal xi hin inholqot kongestjoni tat-traffiku tant li kien hemm karozzi mwahlin sat-telgha tas-Saqqajja fir-Rabat. Ghaldaqstant marru fuq il-post il-Pulizija mit-Taqsima tat-Traffiku biex jassistu filwaqt li s-Surgent Alfredo Mangion tad-Distrett hejja rapport tal-accident.

Sa wara l-10.30 p.m., aktar minn sitt sieghat wara, it-triq fid-direzzjoni lejn Haz-Zebbug kienet ghadha maghluqa ghat-traffiku minhabba li mill-Isptar Mater Dei ma kienx hemm risposta dwar il-kundizzjoni tal-koppja anzjana.

Sadanittant kmieni filghodu ghall-habta tas-7.20 a.m. ghal darb’ohra xarabank tal-Arriva kienet involuta f’accident iehor tat-traffiku fejn ix-xufier sofra griehi hfief filwaqt li passiggiera korriet gravi. Dan l-accident sehh fi Triq il-Belt Valletta, f’H’Attard meta x-xufier tal-Arriva, ragel ta’ 43 sena mill-Imsida tilef il-kontroll tax-xarabank tat tip BMC u baqa’ diehel fil-hajt tac-cimiterju.

Filwaqt li x-xufier sofra griehi hfif, passiggiera, mara ta’ 48 sena mill-Pakistan, izda residenti l-Imsida wkoll, giet iccertifikata li qeghda ssofri minn griehi gravi izda mhux fil-periklu tal-mewt.

Ghall-habta tal-5.00 p.m. fi Triq Valletta fl-Imqabba sehhet habta ‘head-on’ bejn karozza Fiesta misjuqa minn tfajla ta’ 19-il sena minn Hal Tarxien u Tata Indica misjuqa minn ragel ta’ 52 sena minn Hal Safi li mieghu kellu zaghzugh ta’ 21 sena mill-Marsa. It-tliet persuni ttiehdu l-Mater Dei b’ambulanza fejn komplew jinghataw il-kura mehtiega.

Madwar siegha wara l-Pulizija marru jinvestigaw accident fi Triq Hal Far qrib il-Laboratorju tal-Paci meta karozza Toyota Vitz ta’ skola tas-sewqan li dak il-hin kienet misjuqa minn zaghzugh ta’ 19-il sena minn Birzebbuga meta tilef il-kontroll habat f’arblu tad-dawl. Fil-karozza kien hemm tfajla ta’ 22 sena miz-Zurrieq li kienet fuq wara kif ukoll l-instructor, ragel ta’ 28 sena minn Birkirkara. Kienet biss it-tfajla li kellha bzonn il-kura medika li ttiehdet l-isptar b’ambulanza.

Aktar kmieni filghodu, ghall-habta tal-10.35 a.m., sehh accident fi Triq is-Salib tal-Marsa li b’xorti tajba hadd ma wegga gravi. Anzjan ta’ 69 sena mill-Fgura sofra ftit grif f’riglejh it-tnejn meta ntalqat minn karozza u waqa’ minn fuq il-mutur li kien qed isuq. L-anzjan kien qed isuq mutur Honda meta minn triq sekondarja harget karozza Toyota Starlet misjuqa minn ragel ta’ 36 sena minn Rahal Gdid li laqat il-mutur. Mad-daqqa l-anzjan twaqqa’ minn fuq il-mutur u sofra griehi hfief f’saqajh it-tnejn.

This entry was posted on Thursday, August 2nd, 2012 at 08:28 and is filed under Accident, Ambulanzi, Arriva, Emergenza, Infermieri, Korriment, Pulizija, Pulizija tad-Distrett, Pulizija tat-Traffiku, Sptar Mater Dei, Tobba. You can follow any responses to this entry through the RSS 2.0 feed. You can leave a response, or trackback from your own site.