Barranin tajru l-ajruplan minghajr ebda permessi

L-uzu tal-ajruplan spija li ntuza mill-Kumitat Kontra l-Qtil tal-Ghasafar (CABS) flimkien mal-istazzjon televiziv RTL tal-Germanja, sar minghajr il-permessi mehtiega u kontra r-regolamenti u l-permessi li jinhargu minn Transport Malta u l-Pulizija lid-delettanti kollha li jtajjru ajruplani modelli. Il-CABS digà ddikjaraw li se jerghu jigu b’aktar ajruplani spija fejn jidher li se jkunu qed jisfidaw l-Awtoritajiet Maltin.

Id-dikjarazzjoni ufficjali li l-CABS tajru l-ajruplan, maghruf bhala ‘drone’, minghajr il-permessi mehtiega saret fil-Parlament mill-Prim Ministru Lawrence Gonzi fuq mistoqsija li ghamillu d-Deputat Laburista Charles Mangion. Huwa staqs jekk id-‘drone’ li gie rrapportat li kien qed idur fuq il-pajjiz ricentament kienx qed jaghmel din l-attività bil-permess tal-Pulizija  jew l-awtorità kompetenti u jekk persuna jew entità tistax tispjuna fuq persuni minghajr l-awtorizzazjoni minn awtorità kompetenti. In-Nutar Mangion staqsa wkoll jekk l-ebda permess ma kien hemm ghal dan id-‘drone’ spjuna, x’passi ttiehdu kontra l-persuna li kisret il-ligi. Fl-ahharnett staqsa tistax persuna mhix awtroizzata tiffilmja persuni ohra fil-proprjetà privata taghhom.

Fir-risposta tieghu l-Prim Ministru qal li jinsab infurmat li la l-Pulizija u lanqas Transport Malta ma taw permess lill-CABS itajru dan l-ajruplan. Huwa qal ukoll li l-istess attività qed tigi investigata mill-Kummissarju tal-Pulizija u li hija wkoll suggett ta’ ilment imressaq quddiem il-Kummissarju ghall-Protezzjoni tad-Data. Ghaldaqstant, qal Dr Gonzi, irridu nistennew l-ezitu tal-investigazzjonijiet imsemmijin.

Sadanittant KRONAKA f’MALTA jinsab informat li minkejja li l-CABS u RTL ma kellhom l-ebda permessi biex itajru dan l-ajruplan fejn iridu, kien hemm okkazzjoni fejn dawn tajru d-‘drone’ biex jispjunaw fuq il-kaccaturi u n-nassaba u li sar fuq propjetà privata waqt li ffilmjaw kollox, anke fil-prezenza tal-Pulizija.

Sorsi qrib il-Korp tal-Pulizija qalulna li l-Pulizija, x’aktarx anke l-Ufficcju tal-Avukat Generali, qed jaraw liema ligi nkisret qabel johorgu l-akkuzi kontra min huwa responsabbli li tajjar dan l-ajruplan mhux biss bla permessi izda wkoll barra zoni fejn ma jistax jintuza dan l-apparat.

Dan is-sit kompla jinvestiga u sibna li biex id-delettanti tal-mudelli tal-ajruplani li jittajjru bir-‘remote control’ jezercitaw id-delizzju taghhom, dan irid isir f’zona ristretta u riservata ghalihom.

“Ma tistax tixtri, jew tibni mudell, u tmur issib post u ttajru. Dan irid isir f’post fejn jinhreg il-permess u kull min itajjar dawn it-tip ta’ ajruplani jrid isegwi r-regolamenti”, qalilna wiehed mid-delettanti.

Huwa kompla jispjegalna li kien hemm kaz fejn id-delettanti kellhom parti minn Hal Far fejn setghu imorru jtajjru dawn il-mudelli, izda marru l-Pulizija u waqfuhom. Huwa qalilna li barra li ghandhom bzonn il-permessi mehtiega, iridu wkoll ikollhom polza tal-assigurazzjoni f’kaz ta’ xi accident fejn l-ajruplan jaqa’ fuq xi hadd jew fuq propjetà ta’ terzi persuni.

Punt iehor importanti, u dan jinsab fil-lista tar-regolamenti tal-‘Malta Model Aircraft Flying Association’, jghid li “jekk fl-inhawi jkun riesaq helikopter jew ajruplan microlight, iridu jnizzlu l-ajruplan taghhom immedjatament. It-titjir irid isir f’ragg ta’ madwar 150 metru mic-centru taz-zona tat-titjier. L-ebda titjier ma jista’ jsir fuq l-ebda bini fiz-zona imsemmija”.

Ghaldaqstant dak li ghamlu l-CABS u RTL imur kontra kull regolamenti li huma marbutin bihom l-assocjazzjoni, sahaq is-sors. Barra l-ksur tar-regolamenti, dawn ma hasbu xejn lanqas dwar l-interferenza li seta’ kkawza d-‘drone’ li tajru fejn seta’ kien hemm apparat li jahdem bil-frekwenzi tar-radju ghad-detriment ta’ persuni ohrajn fl-inhawi.

Delettanti ohrajn tal-avjazzjoni kienu digà lmentaw ma’ dan il-gurnal li l-CABS qabdu u marru jtajjru l-ajruplan qrib Dellimara u l-inhawi meta din iz-zona qieghda ezatt fejn ikunu nizlin l-ajruplani fl-Ajruport Internazzjonali ta’ Malta maghrufa bhala ’l-approach’.

Is-sorsi li tkellmu maghna qalulna wkoll li x’aktarx li ghad hawn ligi f’Malta li hadd, jekk mhux bil-permessi mehtiega, ma jista’ jtajjar xi haga f’gholi ta’ aktar minn 200 pied (madwar 61 metru) li jinkludu anke tajra jew sahanistra buzzieqa.

Fis-26 ta’ April li ghadda l-ajuplan spija tal-CABS kien twaqqa’ jew waqa’ wahdu ghalkemm kien hemm rapporti li kienu jghidu li dan twaqqa’ minn xi kaccaturi li “bi zball hasbuh xi tajra”. Kelliem ghall-CABS f’intervista li kien ta lil stazzjon lokali kien qal li ghalkemm tilfu dan l-ajruplan, li baqa’ ma nstabx, la jergghu jigu Malta se jgibu maghhom erba’ ajruplani mhux wiehed.

“Issa wiehed irid jara kemm il-Pulizija u l-Awtoritajiet koncernati, li skont il-Prim Ministru Gonzi dawn m’ghandhom l-ebda permessi, jekk humiex se jhalluhom itajru dawn l-ajruplani meta jergghu jigu. Jista’ jkun li din hija sfida diretta lejn l-awtoritajiet fosthom lejn il-Pulizija u l-Prim Ministru nnifsu”, sahaq sors li tkellem ma’ KRONAKA f’MALTA.

This entry was posted on Wednesday, May 9th, 2012 at 08:22 and is filed under Abbuz, ALE, Kacca, Periklu, Pulizija, Qorti, Rabja. You can follow any responses to this entry through the RSS 2.0 feed. You can leave a response, or trackback from your own site.