Allegat kaz ta’ “tpattija”

L-omicidju doppju tal-ewwel tas-sena f’Tas-Sliema, li sal-lum ghadu fuq fomm kulhadd minhabba l-misteri li huwa mdawwar bih, jidher li ha zvolta ohra fejn qed ikun allegat li l-aggressjoni li waslet ghall-mewt taz-zewg vittmi kienet “tpattija”. Jekk din l-allegazzjoni tigi ppruvata, allura l-argument li Duncan Zammit ta’ 33 sena u Nicholas Gera ta’ 26 sena ma kienux jafu lil xulxin, kif dejjem sostnew il-Pulizija u xi qraba, ma jibqax iregi.

Persuna li tkellmet ma’ KRONAKA f’MALTA u li ghal ragunijiet personali talbet biex ma tigix iddentifikata, qaltilna li jew il-Pulizija ma riedux jghidu jew damu biex indunaw li Zammit u Gera fil-fatt kienu jafu sew lil xulxin u hija hasra li wiehed mill-vittmi tpogga f’dell ikrah fejn inghatat l-impressjoni li dan wettaq delitt fahxi ghalxejn b’xejn u minghajr ebda provokazzjoni ta’ xejn.

“Nicky ma jafx x’intqal u dak li ghadu qed jintqal fuqu ghax issa mhux hawn. Izda l-familja tieghu u l-hbieb vera tieghu ghadhom imwegghin. Mhux gust li l-verità tibqa’ mistura minkejja li l-ebda wiehed minnhom qatt ma jista’ jigi lura”, qaltilna din il-persuna.

L-istess sors sahaq li hadd qatt ma emmen li Gera u Zammit ma kienux jafu lil xulxin. Din il-persuna sahqet li qatt ma ghamlet sens kif l-investigaturi baqghu jinsistu li Nicky Gera ghazel dak il-lejl, dak il-blokk bini u l-Penthouse tal-familja Zammit Xuereb minghajr ebda raguni ta’ xejn dahal minghajr ebda arma biex joqtol lil Duncan meta dawn ma jafux lil xulxin, dejjem skont il-Pulizija u l-familja ta’ mart Duncan.

Sadanittant sorsi qrib il-Korp tal-Pulizija qalu lil KRONAKA f’MALTA li jekk jirrizulta li l-kaz idur fuq xi tip ta’ “tpattija”, l-investigaturi jridu jistabilixxu l-mottiv ghaliex wiehed ried ipattiha lill-iehor. Meta l-Pulizija jaslu biex ikunu certi minn dan, allura x-xenarju kollu li tpogga fis-sieghat biss wara li sehhet din it-tragedja li kissret zewg familji, jinbidel ta’ taht fuq.

Dan is-sit kif ukoll il-gurnal l-orizzont kienu minn ta’ l-ewwel li qatt ma emmnu t-tezi li Duncan Zammit u Nicholas Gera ma kienux jafu lil xulxin. Anzi fl-ewwel rapport taghna konna wzani t-titlu “Glieda vjolenti bi skieken ihalli zewgt ihbieb mejtin”.

Kien missier Claire Zammit Xuereb, il-mara ta’ Duncan, l-impreditur Anglu Xuereb li f’intervisti li ta lil xi mezzi tax-xandir li hareg jghid li z-zewg familji qatt ma kienu jafu lil xulxin. Ghal 22 gurnata wara li sehh dan id-delitt doppju, il-Pulizija f’konferenza tal-ahbarijiet ukoll harget bl-istess teorija.

Dan l-omicidju doppju sehh fl-1 ta’ Jannar 2012 ftit wara s-7.00 a.m. f’appartament fi Block Falcon House fi Triq il-Kbira f’Tas-Sliema li tinsab ftit metri ’l isfel mill-Knisja ta’ Stella Maris meta Duncan Zammit kien ghadu fis-sodda. L-ewwel indikazzjoni kienet li xi hadd kien dahal fuq il-koppja, li tliet xhur qabel kellhom tewmin, bl-intenzjoni li jwettaq serqa. Izda minn aktar investigazzjonijiet li saru t-tezi tas-serqa giet eliminata.

Il-Pulizija kienu kkonfermaw li Gera ma dahalx armat u li s-skieken li ntuzaw kienu fl-appartament tal-familija Zammit. Ikkonfermaw ukoll li Gera ma dahalx biex iwettaq serqa u lanqas kien fis-sakra ghalkemm kien “ha xi drinks”. Gera dahal fl-appartament billi l-ewwel dahal fi blokk biswit dak fejn joqghodu l-koppja Zammit u tela’ fuq il-bejt. Minn hemm qabez ghal fuq il-bejt tal-Penthouse ta’ Zammit u xxabbat ghat-terrazzin li hemm fuq in-naha ta’ wara. Il-Pulizija ma sabu l-ebda sgass u jidher li l-bieb tat-terrazzin ma kienx imsakkar.

Dan kollu kien ikkonfermat mill-Kap tad-Dipartiment tal-Investigazzjonijiet Kriminali l-Assistent Kummissarju Pierre Calleja.

Kull min dahal fil-Penthouse tal-familja Zammit kif ukoll f’appartamenti simili, izda xi ftit izghar, ikkomfermawlna li mhux facli, jekk mhux ukoll impossibli, li xi hadd jidhol fil-Penthouse meta qatt ma kien dahal qabel, u ma jkollu l-ebda diffikultà jdur fil-post bil-kumdità kollha.

Il-glieda bejn iz-zewgt irgiel bdiet fil-kamra tas-sodda fejn anke nstabu tracci tad-demm fuq is-sodda. Minn hemm iz-zewgt irgiel komplew jissarraw b’mod vjolenti fl-istess kamra u wara hargu fil-kuridur tal-appartament. Kien allegat li Zammit u Gera komplew jissarraw izda kawza tal-feriti li sofrew it-tnejn spiccaw fl-art fil-kuridur b’Duncan Zammit kellu madwar 15-il daqqa maghmulin bis-sikkiena u numru ta’ daqqiet ohrajn li b’kollox kellu iktar minn 20 daqqa ohra fosthom tbengil. Min-naha l-ohra Nicky Gera nstabulu madwar sitt daqqiet ta’ sikkiena u daqqa ohra f’ghonqu kif ukoll diversi tbengil iehor ukoll. Gera spicca mejjet fuq Zammit li sorsi li tkellmu maghna qalulna li kienu litteralment f’bahar ta’ demm.

Is-sorsi li tkellmu maghna xorta ghadhom jemmnu li setghet kienet Claire Zammit Xuereb stess li filfatt marret ghat-tieni sikkina mill-kcina u wzatha biex tiddefendi lil zewgha Duncan mill-aggressjoni ta’ Gera. Din it-teorija taghmel sens ghax il-Pulizija kkonfermaw li ma kienx hemm tracci ta’ dmijja fil-kcina u ghaldaqstant xniegha li harget li Zammit mar ghas-sikkina fil-kcina biex jiddefendi lill-familja u lilu nnifsu wara li kien digà safa aggredit fil-kamra tas-sodda, ma tregix lanqas.

Wara 22 gurnata mindu kien sehh dan l-omicidju doppju, il-Pulizija kissru s-silenzju u ndirizzaw lill-gurnalisti fejn il-kobba tal-misteri dwar dan il-kaz iktar kompliet tithabbel u l-Pulizija jaghzlu li ma jirrispondux ghall-mistoqsijiet semplici tal-gurnalisti “biex ma nfixklux l-investigazzjonijiet” jew “ghax ghad iridu jsiru aktar ezamijiet forensici”.

Dakinhar il-gurnalisti gew indirizzati mill-Assistent Kummissarju Pierre Calleja, fejn beda biex qal dak kollu li kien digà gie rrapportat fil-midja fosthom fuq dan il-gurnal.

Li kien intqal kien li l-Pulizija ghadha ma waslet imkien biex tistabbilixxi l-mottiv u qed tappella lill-pubbliku li jista’ jaf xi haga biex icempel fuq in-numru 119 fejn il-Pulizija qed taggarantixxi l-kunfidenzjalità. S’issa dan l-appell baqa’ qatt ma gie rtirat u ghalhekk nifhmu li l-Pulizija ghadha qed titlob l-ghajnuna tal-pubbliku.

Esperti Forensici lura fl-appartament

Mhux konvinti minn dak li kien qed jinghad, nhar it-Tlieta, 21 ta’ Frar u  cioè aktar minn 50 gurnata wara li sehh id-delitt, l-esperti forensici, akkumpanjati mill-Magistrat Dr Edwina Grima, regghu marru fl-appartament biex jaghmlu tfittxija intensiva b’apparat speccjalizzat. Din it-tfittxija aktarx li saret “ghax l-ispjegazzjonijiet tal-uniku xhud, Claire Zammit Xuereb ma kkonvincewx ghal kollox lill-investigaturi”. Dan l-apparat tal-‘ultra violet’ jintuza biex jinstabu tracci ta’ demm u likwidu iehor fosthom sperma li jistghu jkunu ta’ ghajnuna.

L-esperti forensici, flimkien mal-Pulizija u l-Ufficjali tax-Xena tar-Reat, komplew l-ghada filghodu ghal madwar hames sighat ohra. Kull kampjun li gie elevat mhux biss gie analizzat hawn Malta izda wkoll barra minn Malta.

B’hekk il-misteri dwar dan il-kaz komplew b’hafna mistoqsijiet li baqghu mhux imwiegbin.

This entry was posted on Monday, May 7th, 2012 at 07:40 and is filed under Aggressjoni, Appell, Armi, Awtopsja, Emergenza, Esperti, Fatalita', Inkjesta, Kadavru, Korp tal-Pulizija, Mewt, Pulizija, Pulizija tad-DIK, Pulizija tad-Distrett, Qtil, SOCO, tragedji. You can follow any responses to this entry through the RSS 2.0 feed. You can leave a response, or trackback from your own site.