Zewg tfajliet fil-periklu tal-mewt

Zewg tfajliet jinsabu fil-periklu tal-mewt wara li nbezqu minn karozza li kienu fiha meta din habtet ma’ cint. L-accident sehh nhar l-Erbgha ftit wara nofs il-lejl fi Triq Pantar f’Hal Lija.

Is-sewwieq, zaghzugh ta’ 21 sena minn Hal Gharghur, kien qed isuq karozza Fiat 127 u mieghu kellu erba’ zghazagh ohrajn, zewg guvintur ta’ 17-il sena minn Naxxar u mill-Mosta u zewg tfajliet ta’ 18-il sena minn San Giljan u l-ohra ta’ 16-il sena min-Naxxar. Kif dawn kienu nizlin fi Triq Pantar fid-direzzjoni tal-Mosta, is-sewwieq tilef il-kontroll tal-karozza u baqa’ diehel b’impatt qawwi ma’ cint li jifred kandott minn hajt. Mad-daqqa l-karozza daret u l-bieba ta’ wara infethet b’konsegwenza li dawk li kienu wara fosthom, iz-zewg tfajliet, inbezqu mill-karozza.

It-tfajliet spiccaw fil-kandott filwaqt li l-guvni spicca fl-art. Fuq il-post issejhet l-ghajnuna medika fejn intbghatu zewg ambulanzi b’infermieri kif ukoll it-Tabib Jonathan Joslin mill-ERT mid-Dipartiment tal-Protezzjoni Civili. Ghalkemm fit-triq hemm id-dawl tal-Gvern, ezatt fejn sehhet il-habta, il-fanal li jixghel dik il-parti tat-triq huwa difettuz u beda jixghel u jitfi. Dan fixkel sew il-hidma tat-tim mediku biex jaghtu l-ewwel ghajnuna medika lill-feruti u kellhom ikunu l-Pulizija li permezz tat-torci taghhom li pprovdew id-dawl. Fil-fatt fuq il-post marru l-Pulizija tal-Mobile kif ukoll tad-Distrett immexxija mill-Ispettur Kevin Farrugia mill-Ghassa ta’ Birkirkara flimkien mas-Surgent Brian Cremona u l-Kuntistabbli Godwin Caruana mid-Distrett tal-Hamrun li kienu qieghdin ilehhqu d-Distrett ta’ Birkirkara ukoll. Il-Pulizija elevaw diversi oggetti personali tat-tfajliet mill-gandott.

Il-hames zghazagh ittiehdu l-Isptat Mater Dei f’zewg ambulanzi fejn il-guvintur instabu li kienu qieghdin isofru minn griehi hfief izda sfortunatament it-tfajliet sofrew griehi gravi u kienu fil-periklu tal-mewt. X’aktarx li zkuk tas-sigar li hemm fl-istess gandott fejn spiccaw it-tfajliet, naqsu l-impatt qawwi li t-tfajliet hadu mal-hajt.

Bl-accident giet infurmata l-Magistrat tal-Ghassa Dr Doreen Clarke li ordnat inkjesta u hatret lit-Tekniku Joseph Zammit, lill-Perit Mario Cassar, lill-Avukat Richard Sladden u lit-Tabib Forensiku Mario Scerri bhala esperti tal-Qorti flimkien mal-Pulizija tal-Fotografija.

 

Argument “tal-hbieb” spicca fi sparatura fis-Siggiewi

Argument bejn zewgt ihbieb spicca biex wiehed minnhom jintlaqat minn comb sparati fid-direzzjoni tieghu ghalkemm l-allegat aggressur qieghed jallega li kien xi hadd iehor li spara lejn siehbu.

Il-kaz sehh nhar it-Tnejn ghal habta tas-7.15 p.m. fir-razzett ta’ Horace Fenech ta’ 32 sena mis-Siggiewi fl-inhawi maghrufin bhala Tal-Fawwara limiti tas-Siggiewi. Dak il-hin Nikola Catania ta’ 26 sena, ukoll mis-Siggiewi, kien fir-razzett ta’ siehbu meta z-zewgt irgiel argumentaw fuq persuna ohra. Qed ikun allegat li wara l-argument Fenech kecca lil siehbu mill-proprjetà tieghu. Huwa mifhum li Fenech qabad mannara u mar ghal wara Catania, li minn naha tieghu dan telaq minn fuq il-post. Kif kien madwar 50 metru ’l boghod Catania sema’ lil Fenech jheddu filwaqt li sema’ wkoll tliet tiri ta’ senter b’wiehed mit-tiri laqtu b’xi sitt combiet f’dahru.

Minn hemm Catania baqa’ sejjer id-dar u cempel lill-Pulizija fejn informahom li kien vittma ta’ sparatura u fejn sehhet l-isparatura. Fuq il-post marru erba’ units tal-Pulizija mill-Iskwadra tal-Mobile kif ukoll dawk tad-Disrett immexxija mill-Ispettur Anthony Cachia u s-Surgent Joseph Borg. Sadanittant fir-residenza ta’ Catania intbaghtet ambulanza b’infermiera li hadet lil Catania l-Isptar Mater Dei. Irrizulta li hu kellu feriti kkawzati minn comb fuq in-naha tax-xellug ta’ dahru.

Il-Pulizija tal-Mobile, libsin il-‘bullit proof vest’, flimkien mal-kollegi taghhom tad-Distrett, iccirkondaw ir-razzett u bdew ifittxu ghal Fenech li minkejja li l-Pulizija bdew isejhulu dan ma rrispondiex. Wara xi hin il-Pulizija sabu lil Fenech mistohbi f’dura li hdejh kellu senter ikkaragat u li x’aktarx hija l-istess arma li ntuzat fl-isparatura.

Minkejja dan, Fenech baqa’ jichad li huwa kien spara lejn Catania u allega li kien xi hadd iehor li sparalu. Huwa qal ukoll li s-senter huwa fil-fatt ta’ Catania u kompla jghid li Catania anke immodifika l-arma ghax kienet misruqa. Fil-fatt skont l-istess Fenech is-senter li kellu rregistrat fuqu kien insteraqlu xi zmien ilu.

Bil-kaz gew informati ukoll il-Pulizija mid-DIK, fejn l-Ispettur  Michael Mallia flimkien mal-Ispettur Cachia qieghed jinvestiga l-kaz. Il-Magistrat tal-Ghassa, Dr Dorren Clarke qed tmexxi l-inkjesta fejn hatret diversi esperti tal-Qorti.

 

Il-bahar tella’ fdalijiet ta’ mara f’Ghajn Tuffieha

Il-Pulizija kienu msejhin fil-Bajja ta’ Ghajn Tuffieha biex jinvestigaw sejba ta’ fdalijiet ta’ kadavru li nstabu mferxin fuq il-blat taht il-Lukanda SAS Radisson.

Nhar l-Erbgha ghal habta ta’ 12.20 p.m. xi tfal li kienu mixjin fuq il-blat innuttaw zewg ghadmiet kbar imwahlin ma’ parti ohra u mill-ewwel issuspettaw hazin. Ghaldaqstant huma cemplu lill-Pulizija fejn fuq il-post marru dawk tad-Distrett immexxija mis-Surgenti Justin Zammit u Alfred Abela. Meta waslu fuq il-post indikat il-Pulizija sabu parti tan-nofs b’zewg ghadmiet tar-riglejn u parti mis-sinsla. Fl-inhawi instabu ukoll bicciet ohrajn ta’ ghadam imferxin. Jidher li dawn itellghu hemm bil-mewg.

L-ghadam kollu ingabar u ttiehed il-kamra mortwarja tal-Isptar Mater Dei fejn kien ezaminat mill-esperti mahtura mill-Magistrata tal-Ghassa, fosthom it-Tabib Forensiku Mario Scerri. L-ewwel indikazzjonijiet juru li l-ghadam huwa uman u li huwa ta’ mara. Jidher ukoll li l-kadavru ilu zmien twil fil-bahar izda ghalissa huwa difficli jkun determinat kemm.

Bil-kaz giet informata l-Ispettur Therese Sciberrras li marret fuq il-post fejn instabu l-fdalijiet.

 

139 klandestin iehor

Nhar it-Tlieta iddahhal Malta grupp ta’ 139 klandestin li fosthom kien hemm 36 mara li ghaxra minnhom qeghdin jistennew tarbija. Il-grupp ta’ klandestini gew salvati minn Patrol Boat tal-Forzi Armati meta kienu madwar 87 mil nawtiku f’Nofsinhar il-Lbic ta’ Malta li kienu fuq dingi.

Meta fis-6 ta’ Novembru li ghadda dahal Malta grupp ta’ 68 klandestin, hafna hasbu li kien l-ahhar grupp li dahal Malta ghal din is-sena. Imma wara li fil-jiem li ghaddew f’Lampedusa dahlu 1,700 klandestin, ma setax jonqos li anke f’Malta jidhlu wkoll il-klandestini.

Kienu l-istess klandestini li nhar il-Hadd ghal habta tas-12.40 p.m. ghamlu kuntatt permezz ta’ telefon cellulari mac-Centru ta’ Salvatagg f’Ruma fejn talbu l-assistenza.

Ghaldaqstant it-Taljani ghaddew il-messagg lic-Centru ta’ Salvatagg tal-FAM f’Hal Luqa fejn komplew isegwu l-movimenti tad-dingi mimliji bil-klandesitni. It-Tnejn fid-8.40 a.m. mill-bazi tal-ajru tal-FAM f’Hal Kirkop ittajjar ajruplan Islander AW-19 fejn illokalizza d-dingi u informaw lill-kollegi taghhom tat-taqsima Marittima fejn fl-inhawi marret il-Patrol Boat P-52 immexxija mill-Kaptan Etienne Scicluna.

Fl-10.05 a.m. il-P-52 waslet qrib id-dingi fejn sabu li l-klandestini, 103 ragel u 36 mara, kienu kollha b’sahhithom ghalkemm dehru ghajjenin specjalment uhud minn nisa. Kif id-dingi tbattal mill-klandestini, dawn hallew warajhom boroz, li x’aktarx kellhom xi hwejjeg fihom, fliexken tal-ilma, mutur outboard barra dak li kien hemm imwahhal mad-dingi, numru ta’ jerry cans u cilindru li x’aktarx mimli bl-arja biex jintuza f’kaz li tonqos l-arja mid-dingi.

Minn hawn bdiet operazzjoni biex il-139 klandestin gew trasferiti ghal fuq il-P-52 u wara li ttelghu kollha bdew il-vjagg lejn Malta.

Il-P-52 skortata minn Patrol Boat ohra, il-P-24, trakkat mal-moll fil-Bazi Marittimu tal-FAM f’Xatt it-Tiben fl-3.46 p.m. Fuq il-moll kien hemm jistennewhom il-Pulizija mit-Taqsima tal-Immigrazzjoni, immexxija mis-Supretendent Neville Xuereb u l-Ispettur Joseph Hersey kif ukoll il-Kap tas-Servizzi tad-Detenzjoni il-Logotenent Kulunell Brian Gatt.

L-ewwel ma tnizzlu l-art kienu s-36 mara u wara l-irgiel fejn ittiehdu kollha l-garaxx tal-Pulizija fil-Floriana b’tentattiv li jkunu identfikati jew biex il-Pulizija ssir taf in-nazzjonalità taghhom. Huwa mifhum li whud mill-klandestini qalu li gejjin mis-Somalja, l-Ghana u n-Nigerja.

Minn statistika li nzomm jirrizulta li dan kien it-83 vjagg bil-klandestini din is-sena ghal total ta’ 2,775 klandestin li huwa rekord assolut kemm ilhom jidhlu l-klandestini f’Malta.

Sadanittant il-Gvern Taljan habbar li l-klandestini kollha li se jidhlu l-Italja, l-aktar dawk f’Lampedusa, se jinbghatu lura immedjatament minhabba li s-sitwazzjoni issa saret gravi hafna. Mhux maghruf se jaghmel il-Gvern Malti meta s-sitwazzjoni f’pajjizna hija hafna aktar gravi minn kull pajjiz iehor fl-Ewropa.

Hallelin armati serqu madwar €4,000

Tliet hallelin wettqu ‘hold-up’ fuq impjegat ta’ stabbiliment tal-loghob fis-sighat bikrin ta’ nhar it-Tnejn. Il-hallelin serqu madwar €4,000 wara li heddew lill-impjegat b’arma tan-nar.

Il-kaz sehh ftit qabel it-3.00 a.m. fl-istabbiliment ‘Playline’ li jinsab fi Triq D’Argens fil-Gzira. Jirrizulta li dan il-‘hold-up’ dam biss madwar zewg minuti. Dak il-hin fl-istabbiliment kien hemm Christian Agius ta’ 21 sena mir-Rabat li huwa impjegat kif ukoll zewg nisa li kienu qeghdin jilaghbu. It-tliet kriminali li dahlu fil-post kienu mghammda fejn tnejn minnhom x’aktarx li kellhom pistola filwaqt li l-iehor kellu arma ikbar x’aktarx xi tip ta’ ‘machine gun’. Wiehed minnhom mar fuq Agius u ppuntalu l-pistola ma’ rasu u ordnalu jtih il-flus li kellu.

Mhedded u b’xokk fuqu l-impjegat ghadda xi flus lill-halliel, izda jidher li dawn huma midhla tal-post tant li komplew jordnaw lil Agius biex itihom ukoll il-flus li kien hemm fis-‘safe’ f’kamra ohra. Agius ma kellux ghazla u ghadda dawn il-flus ukoll lill-hallelin. Iz-zewg nisa, x’aktarx barranin, li kienu fl-istabbiliment thallew jitilqu waqt li kien ghaddej il-‘hold-up’ u dan qajjem suspett.

Fil-fatt il-Pulizija f’dan l-istadju mhux jeskludu li dawn setghu kienu komplici u baqghu jilaghbu sat-3.00 a.m. biex il-post jibqa’ miftuh.

 Wara li l-hallelin harbu minn fuq il-post, Agius informa lill-imghallem tieghu li mar fuq il-post u kien hawn, madwar siegha wara li sehh il-‘hold-up’, li l-Pulizija gew informati. Fuq il-post marru l-Pulizija tad-Distrett immexxijin mis-Surgent Robert Fava li min-naha tieghu informa lill-Ispettur Keith Arnaud li qed imexxi l-investigazzjonijiet. Huwa mifhum li l-Pulizija gabru xi persuni biex jghinhom fl-istharrig.

Dan kien l-24 ‘hold-up’ li sehh din is-sena li nafu bihom ahna u t-tieni wiehed fejn il-hallelin attakkaw stabbiliment simili tal-loghob li dan l-ahhar infethu diversi madwar Malta.

Sofriet griehi bis-‘seat belt’

Ghalkemm ic-cintorin tas-sigurtà, is-‘seat belt’, kien kagun li tfajla sofriet griehi hfief, xorta kien l-istess cintorin li salva lit-tfajla milli tkorri gravi meta kienet involuta f’accident tat-traffiku.

L-accident sehh nhar it-Tnejn ghal habta tas-2.30 p.m. meta t-tfajla kienet passigiera f’karozza Fiat 126 Bis  misjuqa minn missierha fi Triq Hal Qormi fil-Hamrun u kienu sejrin fid-direzzjoni ta’ Hal Qormi. Mid-direzzjoni opposta kien gej ragel isuq karozza Opel Astra li kien se jdur lejn Triq San Frangisk u kien hawn li sehhet il-habta ‘head on’.

Persuni li kienu fil-qrib marru taw l-ghajnuna lit-tfajla u anke cemplu ghall-ghajnuna medika fejn fuq il-post marret ambulanza b’infermiera. Ghalkemm it-tfajla ma sofritx griehi gravi, bhala prekawzjoni xorta ittiehdet l-Isptar Mater Dei ghal aktar kura.

Il-Pulizija mit-Taqsima tat-Traffiku kienu ukoll fuq il-post biex jikkontrollaw t-traffiku sakemm marru dawk mill-Ghassa tal-Hamrun immexxija mis-Surgent Robert Azzopardi li hejjew rapport tal-accident.

Ma thalsux tal-Hdud li hadmu xahrejn ilu

Il-membri tal-Korp tal-Pulizija kif ukoll dawk li mhumiex Pulizija izda jithallsu mill-Korp, fosthom dawk li jahdmu fl-Immigrazzjoni, sabu li ma tahlsux tax-xoghol li hadmu. Barra minn hekk hafna Ghases tal-Pulizija spiccaw kwazi vojta specjalment fil-lejl tal-Milied.

Issa indrat sew li l-Pulizija, u ohrajn, jithallsu tal-Hdud xahrejn wara li jkunu hadmuhom. Imma meta hafna kienu digà ppjanaw li setghu jaghmlu xi spiza zejda f’rigali ghall-familja kif ukoll harga ghall-festi ghax ikkalulaw li mal-paga ta’ Dicembru kienu se jithallsu tal-Hdud li hadmu f’Ottubru, sabu li dawn ma kienux inkluzi fil-paga.

Hemm ukoll hafna Pulizija li ghadhom jistennew biex jithallsu tax-xoghol extra li ghamlu xhur ilu fosthom mal-banek u mal-ufficcju Elettorali. Dan se jkun qieghed jinhass hafna l-iktar meta l-istess Pulizija u l-familji taghhom, ircevew jew se jircievu l-kontijiet tad-dawl u l-ilma bis-soprataxxa ta’ 95%.

Sorsi qrib il-Korp tal-Pulizija qalulna wkoll li hafna mill-Pulizija li jahdmu fid-Distretti, fl-Ghases madwar Malta, fil-lejl tal-Milied kienu ordnati jirrapportaw ghax-xoghol f’Paceville u l-Belt fil-Waterfront. Dan halla hafna Ghases madwar Malta jew maghluqin jew bi ftit Pulizija. Fost dawn kien hemm ghases li hlief Surgent u Kuntistabbli ma kienux xoghol. Huwa mifhum li fid-Distrett tal-Mosta, li jinkludi l-Qawra u Bugibba fejn hemm diversi stabbilimenti kien hemm xoghol madwar disa’ Pulizija ghad-Distrett kollu. Anke d-Distrett taz-Zejtun, li jinkludi Birzebbuga, ukoll kien hemm ftit Pulizija.

Kaz tipiku fejn kellu jkun l-intervent tal-Pulizija li tfajla ma sfatx stupruta bi vjolenza, sehh propju f’Birzebbuga fejn kien hemm Surgent u Kuntistabbli biss xoghol. B’xorti tajba fil-hin li sehh il-kaz kien hemm Pulizija ohrjan tal-Mobile u tal-ALE prezenti li assistew lil tad-Distrett.

Is-sorsi taghna qalulna li wiehed jifhem li f’Paceville ikun hemm hafna aktar nies, specjalment lejlet l-Ewwel tas-Sena, imma min jippjana ghandu wkoll jaghti konsiderazzjoni lid-Distretti l-ohrajn.

Attentat ta’ stupru minn zewg klandestini

Il-Pulizija qieghda tinvestiga kaz ta’ attentat ta’ stupru fuq tfajla Maltija li sar minn zewg irgiel li huma immigranti llegalii mis-Somalja fejn wiehed minnhom kellu bzonn ukoll il-kura medika.

Il-kaz sehh ghal habta tas-1.00 a.m. sbieh il-Milied f’Wied il-Buni qrib il-klabb tal-bocci ta’ Birzebbuga. Huwa mifhum li kien hemm hames klandestini, kollha residenti fil-Villagg tal-Kampijiet f’Hal Far, li kienu qieghdin jixorbu. Jidher li tnejn minnhom hatfu lit-tfajla ta’ 17-il sena mill-Imqabba u pruvaw jistuprawha. Huwa mifhum li minhabba li t-tfajla kienet xorbot ma setghetx tiddefendi ruhha sew ghalkemm jidher li xorta pruvat.

Meta ssejhu l-Pulizija fuq il-post minn xi persuni li raw x’kien qed jigri, sabu lit-tfajla mitlufa minn sensiha u li kellha xi dmijja fuqha. Il-Pulizija arrestaw lill-hames klandestini ghalkemm jidher li kienu tnejn minnhom li aggredixxew lit-tfajla. Mhux maghruf kif l-irgiel sofrew xi griehi ghalkemm jidher li dan sehh meta gew fl-idejn bejniethom. Wiehed minnhom baqa’ jinzamm l-Isptar Mater Dei ghal aktar kura.

Bil-kaz giet informata l-Magistrat tal-Ghassa, Dr Miriam Hayman, li ordnat inkjesta u hatret lit-Tabib Forensiku Mario Scerri u lil Marisa Cassar bhala esperti tal-Qorti. L-Ispettur Priscilla Caruana tad-Distrett qed tinvestiga l-kaz.

Il-Pulizija harget stqarrija dwar dan il-kaz aktar minn 17-il siegha wara li sehh u aktar minn tmin sieghat wara li gie ppublikat fuq dan is-sit elettroniku. Is-CMRU qalu li kien l-intervent f’waqtu tal-Pulizjia li t-tfajla ma gietx stuprata.

UPDATE

L-ghada l-Pulizija resqet b’arrest lil Mohamed Muse Ali u lil Mohamed Hasan Ibrahim, it-tnejn ta’ 21 sena mis-Somalja fejn irrizulta li z-zewg klandestini fil-fatt ma jghixux fic-Centru Miftuh ta’ Hal Far imma harbu mic-Centru ta’ Detenzjoni ta’ Hal Far. Wara li xorbu minn diversi barijiet f’Birzebbuga u sikru, hatfu lit-tfajla ta’ 17-il sena u pruvaw jistuprawa.

Izda kien l-intervent tal-Pulizija tad-Distrett bl-ghajnuna ta’ Pulizija ohrajn mill-Iskwadra tal-Mobile u tal-ALE li lehqu qabel maz-zewg klandestini wettqu l-istupru vjolenti fuq it-tfajla Maltija. Kif waslu l-Pulizija fuq il-post sabu wiehed minnhom fuq it-tfajla u l-iehor ma’ genba.

Huma gew akkuzati quddiem il-Magistrat Dr Miriam Hayman b’diversi akkuzi fosthom bl-atentat ta’ stupru fuq minorenni. L-Avukat Mark Busutill talab biex iz-zewg Somali jinhelsu mill-arrest ghax meta wettqu l-allegat reat ma kienux jafu x’inhuma jaghmlu ghax kienu fis-sakra. Izda l-Magistrat cahdet it-talba tad-difiza u ordnat li z-zewg barranin jibqghu jinzammu arrestati fil-Habs ta’ Kordin.

Kaz li jista’ jkun pregudikat

Il-kaz dwar l-ispartura fuq il-Kazin tal-Partit Nazzjonalista li sehh nhar is-Sibt, 20 ta’ Dicembru, kulhadd sema’ bih. Mhux talli hekk imma anke b’konnessjoni ma’ dan l-istess reat tressaq il-Qorti Carmel Spiteri mixli b’diversi akkuzi fosthom b’attentat ta’ qtil ta’ 20 persuna.

Imma minkejja li issa l-kaz huwa sub-judice, jigifieri li ghaddejjin proceduri legali fil-Qorti, uhud mill-mezzi tax-xandir xorta ghazlu li jibqghu jikkummentaw dwar dan il-kaz b’konsegwenza li l-akkuzat jista’ jigi pregudikat.

Mhux se nikkritika lill-mezzi tax-xandir taz-zewg partiti, dawn ghandhom l-agenda politika taghhom ghalkemm suppost li hemm gurnalisti serji u bl-esperjenza li jafu li la darba kaz ikun quddiem il-Qorti kull kumment jew kitba li ssir, jekk mhux dak li jinghad fil-Qorti, jista’ jkun ta’ dannu ghall-gustizzja kemm fil-konfront tal-akkuzat kif ukoll tal-vittmi. Xi jfisser dan. Dan jista’ jfisser, mhux bil-fors, li l-avukati difensuri jistghu jipprotestaw fil-Qorti li minhabba xi kummenti li saru, setghu kienu ta’ dannu ghall-akkuzat. B’hekk il-Qorti tista tilqa’ t-talba u tiddeciedi li l-akkuzat ma jistax ikollu smigh xieraq u gust u jista’ jigi illiberat. B’hekk jekk l-akkuzat huwa hati allura mhux se ssir gustizzja mal-vittmi. Minn naha l-ohra jekk l-akkuzat huwa innocenti u l-kaz jghaddi ukoll ghal quddiem gurija, il-gurati diga’ jkunu semghu hafna kontra l-akkuzat u jistghu diga’ ffurmaw opinjoni.

Bhal ma ghidt diga’ l-mezzi tax-xandir tal-partiti politici ghandhom l-agenda politika taghhom. Imma ma nistax naccetta li l-kaz jinghata prominenza kbira fuq l-istazzjon nazzjonali, il-PBS. Illum, it-Tlieta, 23 ta’ Dicembru 2008, il-PBS kellhom bhala l-istorja ewlenija fl-ahbarijiet tat-8.00 p.m. intervista esklussiva ma’ Sylvana Callus, wahda mill-vittmi fl-isparatura tal-Imqabba. Il-PBS ma stennewx lil Callus tohrog mill-isptar, imma marru huma, s’intendi bil-permess tal-Ministeru tas-Sahha, u intervistaw lil wahda mill-vittmi fis-sodda fl-Isptar Mater Dei.

Mhux se nikkrtika lill-gurnalista Ruth Amaira, li ghamlet is-servizz, ghax naf li Ruth ma ghandha l-ebda esperjenza fil-Qorti. Imma l-kap tal-Kamra tal-Ahbarijiet, Natalino Fenech, ghandu snin twal ta’ esperjenza fil-Qorti u jaf, jew suppost li jaf, li la kaz ikun sub-judice ma jistghux isiru kummenti.

Ghaldaqstant il-mistoqsijiet jigu wehidhom. Il-kamra tal-Ahbarijiet tal-PBS, l-istazzjon tal-Istat, ghandu agenda politika dwar dan il-kaz partikolari? Kienet inizjattiva tal-kap tal-Kamra tal-Ahbarijiet jew tal-gurnalista Ruth Amaira li sar dan is-servizz? Jew giet xi ordni minn barra l-PBS biex isir dan is-servizz? L-Avukat li qed jiddefendi lill-akkuzat, se jibqa’ passiv jew se jipprotesta dwar dan? Il-Qorti, fosthom il-Magistrat Inkwerenti u dak li qed jisma’ l-kaz, se jghidu?

Jien ircevejt diversi emails jistaqsuni ghaliex fuq dan is-sit elettroniku ma ktibt xejn. Ir-raguni hija semplici. L-istorja meta sehh il-kaz ma ktibtix jien, u bhal ma jafu hafna fuq dan is-sit inpoggi l-istejjer tieghi, u l-fatt li l-ghada li sehh il-kaz tressaq il-Qorti l-akkuzat, il-kaz issa sar sub-judice u ma nistax nikteb fuqu hlief dak li jinghad fil-Qorti.

Hekk titlob il-professjoni gurnalistika.

Pero’ ma nistax nghalaq u ma nistaqsix mistoqsija ohra. Ghaliex il-gurnalista tal-PBS ma sabitx il-hin u tistaqsi lis-sinjura Callus dwar l-intervent taz-zewg Pulizija li ssugraw hajjithom biex salvaw il-hajja taghha stess u 20 persuna ohra fosthom binha?

Proset lil dawk iz-zewg membri tal-Korp li s’issa ghadni ma nafx min huma ghax kieku insemmihom pubblikament. Hasra li l-Korp tal-Pulizija ghadu ma harigtx stqarrija ufficjali biex ifahhar lil dawn iz-zewg Pulizija tad-Distrett li zarmaw lill-allegat aggressur minghajr ma kellhom ebda arma.

Baqa’ diehel fi trakk li kien wieqaf

Zaghzugh, li fl-ahhar tas-sena jaghlaq 20 sena, sofra griehi gravi izda mhux fil-periklu tal-mewt kawza ta’ accident tat-traffiku li sehh kmieni it-Tnejn filghodu.

Kien ghal habta tal-4.50 a.m. meta Nicholas Farrugia minn Hal Tarxien kien sejjer lura d-dar wara li ghamel xi hin jistad. Kif wasal fi Triq Burmarrad, f’Burmarrad qrib il-Knisja, ma ndunax li kien hemm trakk Bedford wieqaf li kien mghobbi b’kaxxi mimlijin bi prodotti agrikoli b’konsegwenza li baqa’ diehel bil-pick-up Mitsubishi li kien qed isuq fuq wara tat-trakk.

Is-sewwieq tat-trakk, Joseph Camilleri ta’ 40 sena minn Nadur Ghawdex, kien ghadu kif nizel mit-trakk tieghu u kien qed jaqsam it-triq biex imur jixtri gurnal minn hanut tat-tè li hemm fuq in-naha l-ohra tat-triq. L-impatt kien tant qawwi li l-parti kollha ta’ quddiem tal-Mitsubishi baqa’ diehel taht it-trakk bil-windscreen spicca jitfarrak.

Xi rgiel li kienu fl-istess hanut hargu jaghtu l-ewwel ghajnuna lil Farrugia u anke pruvaw johorguh mill-pick-up, izda kellhom jissejhu l-membri tad-Dipartiment tal-Protezzjoni Civili mill-istazzjon tax-Xemxija, immexxija mill-ufficjal Natalino Bezzina, biex iz-zaghzugh inhareg minn qalb it-tifrik. Fost l-ewwel li waqaf jaghti l-ghajnuna kien is-Surgent Patrick Cassar li dak il-hin kien sejjer lejn l-Ghassa tal-Qawra biex jibda l-gurnata tax-xoghol.

Fuq il-post issejjhet l-ghajnuna medika fejn mar Dr Jonathan Joslin mill-Emergency Response Team (ERT) kif ukoll ambulanza b’infermiera. Wara li Nicholas Farrugia nghata l-ewwel ghajnuna medika fuq il-post, huwa ttiehed l-Isptar Mater Dei fejn kompla jinghata l-ghajnuna medika ghal griehi gravi li sofra l-aktar f’wiccu.

Fuq il-post tal-accident marru ukoll is-Surgent Justin Zammit flimkien mal-Kuntistabbli Ronnie Marmara mill-Ghassa tal-Mosta li hejjew rapport tal-kaz.